ചുട്ടു പഴുത്ത പൂഴിയാം
നിൻ ചിതാഭസ്മം
കാൺകെയെന്നുള്ളം
നോവുന്നു വേവുന്നു-
യെന്നമ്മേ..നിളേ-
യെന്നക്ഷികളിന്നലയുന്നു
മേവുന്നു
നിന്നൊരുതുള്ളി-
യമൃതധാരക്കായി..
ദാഹം പൊറാതെ
വേച്ചു വീണയെത്ര
തുടിപ്പുകൾക്ക-
മൃതധാരിണിയായി
നീ നിൻ മുലചുരത്തി.
വറ്റി വരണ്ട
കണ്ഠങ്ങളിലാശ്വസ-
വർഷമായി നീ
ആഴ്ന്നിറങ്ങി-
യാനന്ദത്തിന്നാർത്ത-
നാദംമുഴക്കി
നീരൂട്ടി നീ വളർത്തിയ
നാരിയും
നരനുമൊടുവിൽ നിൻ
നിണവുമൂറ്റിക്കൊഴുക്കെ
മാതൃവാത്സല്യവുംപേറി
നിരാദികയായി നീ
ശയിക്കേ-
യനന്തരം
നിരുദകയായി നീ
മാറിയില്ലേ
നീളേ.. നിൻ
ഹൃദയത്തിൽ
നിന്നൊരുപിടി
പൂഴി വാരിയെൻ
നെഞ്ചോടുചേർക്കേ,
ഞാനറിയുന്നുവമ്മേ
നിരാലംബലയായി
നിശബ്ദമായി കേഴും
നിൻ തേങ്ങലുകൾ
ക്ഷയിച്ചുണങ്ങിയ
നിൻ സിരകൾതൻ
നിഴൽപ്പാടുകാൺകെ-
യെൻ ഹൃദയധമനികളിൽ
പൊടിയുന്നൊരുന്നൂറു-
രുധിരകണങ്ങൾ
ചൊല്ലുവാനെ-
ന്നിലാശ്വാസകപട
വാക്കുകൾതൻ
ചാതുര്യമില്ല
മോഹനവാഗ്ദാനങ്ങൾതൻ
അക്ഷയ കലവറയില്ല
നിൻ പാദാരവൃന്ദങ്ങളിലെൻ
ചോരയിറ്റിച്ചു
ഞാനിരക്കുന്നുവമ്മേ
നിളേ.......
മാപ്പു.. മാപ്പു.. മാപ്പു..
by
JITHIN
Share this
Related Posts
ഒരു പുഴയുടെ രോദനം - By RB Archana Krishnan
ഒരു പുഴയുടെ രോദനം
ജാലകവാതിൽ പതിയെ
തുറന്നേകയായ്‌ ഞാനന്ന്
ജന്നലോരത്ത്‌ കവിൾ
ചേർത്തൊരാ നേരം
ആ മഴനൂലെന്റെ 
അസഹിഷ്ണുത. .... By Jithin
#അസഹിഷ്ണുത
******************
അസഹിഷ്ണുതയുടെ
പല്ലിറുമ്മലുകളിൽ
അസ്വസ്ഥമാണിന്ന്
ആകാശത്തിൻ
ചോടുകളെല്ലാം
അരാ
ഒരു_പാവം_പ്രശസ്തിയാർത്ഥി -- by JitHin
#ഒരു_പാവം_പ്രശസ്തിയാർത്ഥി
എന്നുമുണ്ടായിരുന്നു
എന്റെ പിന്നിലവൻ
നടക്കുമ്പോഴും
നിൽക്കുമ്പോഴും
നടവഴിയിലും
ഇടവഴ
വിരഹമഴ - by RB Archana krishnan
വിരഹമഴ
==========
വിജനമാം വീഥിയിൽ
വിരഹമാം വേളയിൽവിട പറയും
നേരത്തരുമയായ്‌
വന്നെന്റെയാത്മാവിൽ
Emoticon Emoticon