#ഒരു_പാവം_പ്രശസ്തിയാർത്ഥി
എന്നുമുണ്ടായിരുന്നു
എന്റെ പിന്നിലവൻ
നടക്കുമ്പോഴും
നിൽക്കുമ്പോഴും
നടവഴിയിലും
ഇടവഴിയിലും
ഇടവേളയില്ലാതെ
എന്നും
എപ്പോഴും...
എന്നിട്ടുമപ്പോൾ
ഞാനൊന്നും
പ്രതികരിച്ചില്ല..,
ഒന്നും മിണ്ടിയുമില്ല
പിന്നീടൊരിക്കലവൻ
ബസിൽ വച്ച്
എന്റെ പുറകിൽ
വന്ന് നിന്നു
ഞാൻ
കണ്ടതായേ
നടിച്ചില്ല...
ഒന്നും
മിണ്ടിയുമില്ല
അവൻ എന്നിലേക്ക്
കൂടുതൽ കൂടുതൽ
അടുത്ത് വന്നു,
എന്റെ
തോളത്തു
തട്ടിയുരുമ്മി നിന്നു.
ഞാൻ
അറിഞ്ഞ ഭാവം
നടിച്ചില്ല,
ഒന്നും മിണ്ടിയുമില്ല
പതുക്കെ
കമ്പിയിൽ തൂങ്ങി
വന്നെന്റെ
കയ്യിൽ
കടന്നു പിടിച്ചു,
കൈ വലിച്ചെടുത്തു
ഞാൻ മുന്നോട്ട്
നീങ്ങി നിന്നു...
എന്നിട്ടും
ഞാനൊന്നും
മിണ്ടിയില്ല.
മിണ്ടിയാൽ ഞാൻ
മോശക്കാരിയായാലോ?
മുന്നോട്ടാഞ്ഞു
വന്നവനെന്റെ
മുടിയിൽ
പിടിച്ചു
വലിച്ചപ്പോഴേക്കും
ബസ് എന്റെ
സ്റ്റോപ്പിലെത്തിയിരുന്നു
ഞാൻ ധൃതിയിൽ
വീട്ടിലേക്ക് നടന്നു...
ഉമ്മറത്തിരുന്ന
അച്ഛനോടും
മുറ്റമടിച്ചു കൊണ്ട്
നിന്ന അമ്മയോടും
അയല്പക്കത്തു
നിന്ന ചേട്ടനോടും
ഞാനൊന്നും പറഞ്ഞില്ല
അവരൊക്കെ-
യെന്നെപ്പറ്റിയെന്ത്
കരുതും?
അകത്തു കയറി
കതകടച്ചു
കുറ്റിയിട്ടു...
ബാഗ് തുറന്ന്
ഫോണെടുത്ത്
ഫേസ്ബുക്ക് തുറന്ന്
ഒക്കെയും എഴുതി
പോസ്റ്റിട്ട ശേഷം
നെടുവീർപ്പിട്ടു...
ഹോ...
അങ്ങനെ ഞാനും
പ്രതികരിച്ചു !!
അച്ഛനുമറിഞ്ഞില്ല
അമ്മയുമറിഞ്ഞില്ല
ആങ്ങളയുമറിഞ്ഞില്ല...
എനിക്കെന്റെ
ഫേസ്ബുക്ക്
ആങ്ങളമാരുണ്ടല്ലോ
എന്ന് ഞാൻ
(ഒരു പാവം
പ്രശസ്തിയാർത്ഥി)
2016 LLB
GLC TVM
Share this
Related Posts
ഒരു പുഴയുടെ രോദനം - By RB Archana Krishnan
ഒരു പുഴയുടെ രോദനം
ജാലകവാതിൽ പതിയെ
തുറന്നേകയായ്‌ ഞാനന്ന്
ജന്നലോരത്ത്‌ കവിൾ
ചേർത്തൊരാ നേരം
ആ മഴനൂലെന്റെ 
അസഹിഷ്ണുത. .... By Jithin
#അസഹിഷ്ണുത
******************
അസഹിഷ്ണുതയുടെ
പല്ലിറുമ്മലുകളിൽ
അസ്വസ്ഥമാണിന്ന്
ആകാശത്തിൻ
ചോടുകളെല്ലാം
അരാ
DubsMash 04
Online Magazine by the 2016 BA LLB Students of Govt Law College, Thiruvananthapuramഅമ്മേ.. നിളേ.. മാപ്പു - by JITHIN ചുട്ടു പഴുത്ത പൂഴിയാംനിൻ ചിതാഭസ്മംകാൺകെയെന്നുള്ളംനോവുന്നു വേവുന്നു-യെന്നമ്മേ..നിളേ- യെന്നക്ഷികളിന്നലയുന്നുമേവുന്നുന
Emoticon Emoticon