സാഗര_പ്രണയം - by Jithin

#സാഗര_പ്രണയം 

 ******************

ആകാശശൂന്യമാം 

അമാവാസി രാവിലിന്നേ-

കനായീയാഴിതൻ 

അലയൊലിയി-

ലലിഞ്ഞിരിക്കേ 

ഓർക്കുന്നുവോളമേ 

ഒരുനാളുമൊന്നാകു-

വാനാകില്ലെന്നറിവിലും 

ഒരുവേളപോലു-

മൊടുങ്ങാത്തോരീ നിൻ  

തിരതൻ തീരാ 

തീരസ്നേഹം

പിണങ്ങിപ്പിരിയുന്നു

നീയിടയ്ക്കിടക്കെങ്കിലും

പിന്നെയും 

പുൽകുന്നു പുണരുന്നു 

നീ നിമിഷാർദ്ധമാത്രയിൽ

നിൻപ്രിയ പ്രാണനെ

അനന്തമാമീയവനിതൻ 

അക്ഷയപ്രണയത്തി-

ന്നാത്മതേജസ്സേ... 

നുരയുന്നു പതയുന്നു

നിറയുന്നു 

നിറവാർന്ന നിൻ 

നിർമ്മല പ്രണയത്തിൻ

നുരയ്‌ക്കുന്ന ലഹരിയാം 

തിരമാലകൾ 

പൊട്ടിവിടരും 

പൊൻകിരണങ്ങൾതൻ 

പുലരൊളിയും 

പൂമൊട്ടുകൂമ്പും

ചാരുതപോൽ നിന്നിൽ

വീണലിയുമസ്തമയസൂര്യനും

ഇരവിന്റെ കരിമുകിൽ 

മാനത്തു മന്ദമായി 

ചിത്രംവരക്കും 

പാലോളിയുമല്ലാതെ 

പിൻപൊന്നും കണ്ടതില്ലാരുമേ 

നിങ്ങൾതന്നൂഷ്മള 

പ്രണയലീലകളെങ്കിലും..

ഇന്നിതാ കാണുന്നിഹ-

ലോകമൊക്കെയും 

നിന്നുടെ പ്രണയം 

തുളുമ്പുമാലിംഗനങ്ങളു-

മാഴിതന്നധരത്തി-

ന്നാഹ്ലാദവായ്പ്പും 

എന്തേതും വിറ്റിട്ടും 

തുട്ടു മാത്രം തട്ടും 

മനുജമാർജാരന്മാ-

രൊക്കെയും കൂടിട്ടു  

വിറ്റു നിന്നെയും 

നിന്നുടെയോമന 

പ്രണയവും 

അന്തിക്കാഴ്ചകണ്ടാഴി-

യോരത്തിരുന്നങ്കലാ-

പ്പേതുമില്ലാമേയോര-

യിടുന്നൊരീ 

ബാല്യകൗമാരയവ്വന-

ങ്ങൾക്കിന്നു നീ 

ബീച്ച് മാത്രം

അജ്ഞരാം സദസ്സിനു 

സമസ്തമാടുന്നൊരീ 

പ്രണയനാടകത്തിൻ 

പ്രശസ്തരാം പ്രിയ 

പ്രേയസ്സികൾ 

മാത്രമാണിന്നു നിങ്ങൾ

ഇന്ന് നീയും 

നിന്നുടെയുജ്ജ്വല 

പ്രണയവുമേവർ-

ക്കുമിമ്പമേറും 

നയനമനോഹര 

കാഴ്ച മാത്രം..

എങ്കിലും..

പകരുക നീയീ പാരിതിൽ 

പാതിവഴിയേ 

പിരിഞ്ഞുപോം 

പ്രണയങ്ങൾക്കൊരു 

പോംവഴി..

JitHin Sfi

Share this

Related Posts